كيفاش تعمل توجيه جامعي باهي؟ و شنوة الـــ 7 في المائة

 

كيفاش تعمل توجيه جامعي باهي؟

20 خطوة لازم تعرفهم قبل ما تعمّر التوجيه:

أحسب السكور متاعك بــ %7 ومن غيرها

أفهم وقتاش تتحصل على التنفيل (7%)

خذ فكرة عامة على الميادين: إعلامية، اقتصاد، حقوق، علوم إنسانية، شبه طبي...

حدد ميدان أو زوز ميادين تحس روحك تنجح فيهم

ما تكذبش على روحك! خايب في الرياضيات؟ ما تمشيش بريبا

شوف الشعب القريبة لسكورك (±10 نقاط)

حضّر قائمة بـ20–30 شعبة ورتبهم حسب السكور

رتب الشعب حسب الجامعة والمعهد

لقيت شعبة تحبها بعيد؟ حطها، ما تحقرهاش

اسأل على كل شعبة: المواد، الآفاق، الشغل، الماجستير، الهندسة...

زيد ابحث على الجامعة: النظام، الأساتذة، النوادي، النقل، المبيت، المنح...

نقّص في القائمة واختصرها لأقل من 12 اختيار

خمم مزيان قبل ما تعمّر

تابع منشورات التوجيه ومعلومات السكور

ماتسمعش كلام عشوائي من غير حجّة

استغل الإنترنت، كل شي متوفّر

ما تخليش حد يختار مكانك

فكر من توّة: شنوّة بعد الإجازة؟

رد بالك من ناس تحكي من تجاربهم الشخصية فقط

دعاء الوالدين، خدمة على روحك، وتوكل على ربي

شنوّة "الـ7%"؟

7% تضاف لسكورك في بعض الحالات، وتزيد حظوظك في التوجيه

إيمتى تتحصل على التنفيل؟

إذا اخترت شعبة موجودة في نفس ولايتك

أو إذا الشعبة موش موجودة في ولايتك، لكن اخترت أقرب كلية جغرافياً (حسب مقر المعهد اللي قريت فيه البكالوريا)

لكن انتبه!

فما شعب ما تشملهمش التنفيل

منهم:

كليات الطب

Prépas العلمية

الإجازة التطبيقية في علوم التربية

الشعب المتوفرة فقط في كلية وحدة في تونس (مثال:

Pharmacie (المنستير فقط)

Architecture ENAU)

نصيحة ذهبية:

كان مغروم بشعبة موجودة في برشة كليات، وسكورك متوسط →

رتّبهم جغرافياً حسب الأقرب للمعهد اللي عديت فيه الباك

باش تستفيد من التنفيل وتزيد فرص القبول

للمزيد من المعلومات والتفاصيل:

زوروا موقع orientation.tn