عملية التوجيه و تعمير بطاقة الخيارات معلومات هامة و نصائح ثمينة

 

عملية التوجيه و تعمير بطاقة الخيارات

بعض النصائح :

في بطاقة التعمير فما الرمز و الشعبة، تحط الرمز فقط منغير ما تكتب الشعبة، أول ما تعمر خامة الرمز الشعبة تو تظهر آليا وحدها .

تعمير العشرة خيارات كاملة ( الحد الأدنى باش السيت يقبل هو 6 خيارات ) و تسجلها عندك في Pc أو Tel.

مش شرط تعمرهم غدوة، معندكش شكون يجري وراك ، عندك مدة ، عمر على راحتك و كان خممت في زيادة او تعديل عمر على لبلاصة و كل ما تحب تبدل خياراتك تنجم تبدل في أي لحظة و ديما سجل .

تنويع اختياراتك، متحطش إجازة واحدة في برشا بلايص و العكس صحيح ، حط أكثر من إجازة و أكثر من بلاصة لضمان عدم السقوط للدورة النهائية .

إستخدم تشكيلة 3 - 4 - 3 لأكثر ضمان في فعالية الترتيب و الإختيار (تو نهبطوها بعد في ستاتي أخرى و نحط lien في كومنتير هني) .

تحذير

إياك تختار البلاصة على حساب القراية، مش خاطر نحب تونس او الساحل او جربة نمشي نعمل اي قراية باش نتفرهد ، راهي أكبر غلطة تعملها في حق نفسك .

أهم نصيحة ، تنسوش تدعو الله يسهللكم و يرشدكم و يوفقكم و اللي يوحل يصلي صلاة الإستخارة تو ربي يرشده لحسن الإختيار إن شاء الله

و ان شاء الله إختيار موفق الناس الكل